Unang batch sa COVAC gikan sa Nat’l Govt posibleng 7,500 individuals ang mabakunahan

COVID-19 Vaccine

DAVAO CITY – Nakadawat og impormasyon si Mayor Sara Duterte nga posibleng moabot lang sa 7,500 individuals ang mabakunahan sa unang batch nga COVID-19 Vaccine (COVAC) nga moabot sa siyudad gikan sa kagamhanang national.

Naa tay nakuha nga verbal message… there will  be 7,500 individuals sa first or pinaka unang roll out sa  vaccine nga pwede mahatagan sa bakuna gikan sa National Government,” sulti ni Mayor Sara atol sa programa niini sa radio.

Subay niini, gipangdaman karon sa siyudad ang posibleng makadawat og 15,000 doses sa bakuna kon 7,500 individuals nga langkuban sa health care workers sa SPMC  apan sobra pa ang ihap busa maapil ang  gikan sa private COVID 19 referral hospital. 

Gipasabot sa Mayor nga ubos sa priority list sa COVAC program, sulod sa Priority Group A, adunay lima ka grupo nga 1 to 5 diin nakalista ang  kapin 500,000 ka individuals,  ug sa group 1 adunay 1-A ug 1-B ug  naa sa  1-A  ang  7,500 ka individuals.

Nasayran usab sa Mayor nga ang Health care workers  sa hospital lang  ning-abot sa  kapin kon kulang sa 13,000 ang ihap.

Bisan pa man niini,  pabilin gihapon dili pa sigurado ang Mayor kung pila ang kumpirmadong moabot nga bakuna ug unsay brand  niini gikan sa  kagamhanang national, “uncertain pud pila ka doses ang unang moabot gikan sa national government.”

Dugang  ni Mayor Sara, “ang certain lang, because it is within our control and makita man nato ang mga documentation ana, is katong order nato sa Astrazeneca nga 30,000 doses which is good for 15,000 individuals.  Dili pa nila madeliver karon because ang commitment sa Astrazeneca at that time is 3rd quarter ang ilang delivery. It will not be delivered one time, tranches or batches ang delivery.”

Samtang, gipadayag usab sa Mayor nga di palang dugay nakadawat og notice ang mga LGU nga mahimo nang mag-order og  Novovax  vaccine, diin usa ka  American company nga  ang production naa sa  India.

“ We’re starting our documentation karon magpalit og certain number of doses sa Novovax,” ,matud sa Mayor. 

Gipaklaro ni Mayor Sara nga ang  gihimong lakang sa  siyudad nga  pagpalit og bakuna ingkaso lang  kung dili  matuman sa  kagamhanang national ang  paghatag bakuna sa tanang Pilipino.

Apan malaumon ang Mayor nga matuman kini sa gobyerno, “ hopefully pag-abot sa 1st batch tuloy tuloy na ang pag abot sa mga sunod nga bakuna.”