Mga OFW dili pa maka-online payment sa PhilHealth contribution

Hulagway gikan sa Philhealth.

Gibutyag karon sa Philippine Health Insurance Corporation (PhilHealth) 11 nga dili pa abli ang online payment alang sa mga Overseas Filipino Workers nga buot mobayad sa ilang monthly contribution. 

Sa pakighinabi sa NewsFort kang PhilHealth X1 Information Officer Johanna Blason nga wala pa naapil ang OFW  nga mahimong mobayad pinaagi sa online.  

“Sa karon, ang last na circular nakabutang pa,  nga sa OFW for expansion pa,  if mahinumduman nato last year during sa pag adjust nato sa contribution , naay nadawat  ta nga mga feedback gikan sa OFW, so nag adjust pa ang PhilHealth , wala pa sila giapil sa adjustment sa contribution , so nagpabilin pa sila sa  2,400 pesos na requirement as initial payment .” paklaro ni Blason. 

Apan kung unsay mamahimong balance sa tibuok tuig nga bayaran sa OFW, paga bayran na lang ang kulang pinaagi sa  quarterly  o semi annual.

Dugang paklaro ni Blason, “ so naay special condition o guidelines for OFWs , so mao  nga  wala sa sila  naapil  sa online payment.”  

Subay niini, gi-awhag na lang ni Blason ang mga OFW  nga  ipasugo na lang ilang mga  pamilya  nga nia sa nasud  nga maoy mobayad sa ilang  contribution ngadto sa mga buhatan sa  PhilHealth .

Hinuon,  mamahimo  gihapon nga magpa rehistro  online sa website sa Philhealth (https://www.philhealth.gov.ph/)  ang mga OFW aron ma-check usab ang update niini sa ilang record  ug mamonitor ang  payment contribution niini. Samtang , alang usab sa mga  Self paying members pwede na sab nga mag  online payment  pinaagi sa pagsulod sa maong website , magpa rehistro  ug  I-click ang online services sa member portal.