Mga istruktura daplin sa kalsada sa Tugbok, gipang-demolish

Mga istruktura daplin sa kalsada sa Tugbok, gipang-demolish
Mga sakop sa ASU nga nagpahigayon og clearing operation sa daplin sa kalsada sa Tugbok karong semanaha. (Photo gikan sa ByahengDo30.com)

DAVAO CITY- Gisugdan na sa Ancillary Services Unit (ASU) sa dakbayan ang  clearing operation sa daplin sa kalsada sa Brgy. Los Amigos, Tugbok District aron hatagan og dalan ang ipatuman nga road-widening project sa  Department of Public Works and Highways (DPWH). 

Ang clearing operation gipahigayon human sa  hangyo gikan sa  barangay  agig preparasyon sa  DPWH  project.

Sa gipagawas nga pamahayag ni  Paul Bermejo kinsa office-in-charge sa  ASU, “diha sa Tugbok daghan og DPWH projects dinha, isa ana ang road widening. So, in preparation sa road-widening, naga- request sa ato-a ang mga barangy officials na tanggalon ang mga structures.”

Dugang pa ni Bermejo  nga nakadawat na usab og request ang ilang buhatan sa  niaging tuig  hinungdan nga nakig-dayalogo usab kini sa mga barangay opisyales ug mga nanag-iiya og istruktura sa maong lugar.

“Gi-encourage nato sila to conduct self-demolition for the structures na gibutang nila sa bawal na lugar. Since ang uban wala nag self-demolish, so ang atoang papel is to assist the occupants sa demolition,”sulti pa ni Bermejo.

Hinon, gipasabot ni Bermejo nga ilang  ibalik ngadto sa mga  tag-iya og istruktura ang mga gipang-guba nilang materyales apan sa kondisyon nga dili na kini gamiton pagtukod pag usab sa susamang lugar. 

Pipila sa mga gipang-demolish nga istruktura mao ang mga balay, payag  ug tindahan nga gitukod  ibabaw sa  mga  mga drainage.