Mga CICL nga dad-on sa RRCY ipa-ilawom sa RT-PCR test

Ang Regional Rehabilitation Center for Youth (RRCY) atol sa paghigayon og whole day recollection sa mga residente sa center niadtong bulan sa Abril sa niagig tuig. DSWD File Photo

Gikumpirma sa Regional Rehabilitation Center for Youth (RRCY) ubos sa Department of Social Welfare and Development ( DSWD X1)  nga apil sa rekisitos  ang  negative  RT-PCR test result sa  tanang bag-ong sulod nga Children in Conflict with the Law (CICL) .

Sa pakighinabi sa NewsFort sa Social Worker sa center nga si Gladys Cornelio di pa lang dugay nga karong panahon sa pandemya, tumang pag amping ang gihimo sa center aron pabiling luwas sa COVID 19 ang mga bata sa sulod, busa tanang bata nga bag-ong masulod sa rehabilitation center angay ipailawom sa RT PCR test. 

Sa karon ang center adunay  80 ka mga CICL nga naka-kustodiya diin tanan adunay commitment order gikan sa korte diin sagad nag edad og gikan 15 hangtud 21 anyos. 

Nagpabilin nga luwas sa COVID 19 ang center diin sakto lang usab ang populasyon niini diin wala pa nilampas sa kapasidad nga  90 ka buok, samtang ang mga staff ug personahe hatud sundo ug kanunay nagsunod sa protocol. 

“Ang mga  staff istriktong protocol ang gisunod sa matag  pagsulod ug  hatud sundo kini pagawas ug  pasulod sa center ,  busa pabiling COVID 19 free ang RRCY hangtud karon,”matud ni Cornelio. 

Gibawal pa usab karong pandemya ang pagbisita sa mga paryente sulod sa center diin gipa agi una sa online o video call ug  pagtawag ang pakighinabi sa mga batang CICL. 

Samtang , nagkanayon usab ang Social Worker nga si  Joan Vergara  nga nagpadayon usab ang gihatag nga social services sa mga bata  diini adunay   group ug  individual counseling  ingon man group session ug padayon usab ang ilang pag eskwela pinaagi sa modular.

Nasayran nga ang center maoy nag-inusara sa tibuok rehiyon onse diin mga batang lalaki nga nakasala sa balaod ang gipang-atiman ug gipailawom sa rehabilitasyon samtang nagpadayon pa ang kaso sa korte 

Nahimutang ang   RRCY  sa  Purok 7, Bago Oshiro , Tugbok District, diin sagad na-kustodiyang  mga  CICL  gikan sa siyudad sa Davao nga naa sa   40 to 50% ang gidaghanon samtang ang uban gikan sa nagkadaiyang probinsya sa rehiyon onse .