Mayor Sara nag-awhag sa mga dabawenyo nga mosalmot sa community exercise karong semanaha

Mayor Sara nag-awhag sa mga dabawenyo nga mosalmot sa community exercise karong semanaha
(NF File Photo by Arjoy Ceniza)

DAVAO CITY – Gi-awhag mismo ni Mayor Sara Duterte ang mga dabawenyo nga makig-hiusa ug mosalmot sa ipahigayon nga Community Exercise sa siyudad karong semanaha.

Mao kini panawagan sa Mayor atol sa iyang programa sa Davao City Disaster Radio , adlawng lunes, February 22, 2021 diin gipasabot niini ang ka -importante sa  partisipasyon sa katawhan alang sa peace and security sa siyudad. 

“Kining community exercise, gina awhag nato tanan nga mag participate, this is intended to practice sa atong mga residente in reporting suspicious individual.”matud pa ni Mayor Sara. 

Una niini sa gipagawas nga  pamahayag sa  Task Force Davao , gitakdang ipahigayon  ang  community exercise aron masulayan ang kooperasyon ug kaigmat sa  mga dabawenyo labot pagpatuman sa  “Culture of Security”.

Sulod ning semanaha, ipahigayon ang community exercise ngadto sa barangay level.

Diin  dinhi masayran ang kooperasyon sa mga dabawenyo labot pag report sa usa ka taong dunay kadudahang  lihuk sa  ilang komunidad,  subay sa kampanya nga ‘May Nakita, Dapat Magsalita.’ 

Gibutyag ni  Task Force Davao Commander Col. Consolito Yecla nga ang ikaduhang community exercise  mahitabo human nga nakadawat og reports labot lawless elements  diin target ang mga barangay kapitan nga ningsuporta sa gobyerno sa  pakibatok sa  insurhensya . 

“The CPP/NPA Central Committee has ordered the deployment of Special Partisan Units (SPARU) in Davao City to liquidate uniformed personnel. The latest report reveals that the liquidation squads will also target Punong Barangays supportive of EO 70 or the TF ELCAC in the city,” sumala pa ni Yecla.  

Atol sa community exercise, bente  (20) ka rabbits kon  actors nga nagpaka-rung ingon nga SPARU members ang ipakatag sa  pipila ka barangay  sa dakbayan.

Pag-sugod sa  community exercise  i-anunsyo sa   Public Safety and Security Command Center (PSCC), pinaage sa Davao City Disaster Radio ug pinaagi sa  local media ang maong aktibidad.

Sa niaging byernes (Feb 19, 2021 )  nagpahigayon na og pilot test ang  TF Davao sa usa ka  barangay  ubos sa jurisdiction sa  Sta. Ana Police station diin  upat ka   rabbits ang gipakatag apan  tulo lang ang  nadakpan  human kini gireport.

Busa sa makausa pa awhag ni Yecla sa  katawhan nga mosalmot  ug  makig-alayon sa maong kampanya alang sa seguridad ug  padayong  kalinaw sa dakbayan.