Katunga sa ning-abot nga 14,400 Sinovac vials sa Davao itagana sa 2nd dose

More vaccines arriving in Davao City
(NF File Photo)

DAVAO CITY – Gitakdang gamiton ang 14,400 Sinovac vials sa pagbakuna sa mga eligible healthcare workers sa Davao region diin katunga sa maong ihap itagana sa second dose sa pagbakuna.

Mao kini gibutyag ni Dr. Janis Olavides, Vaccination Team Leader sa COVID-19 Vaccination Program sa Department of Health-XI human nga  ning-abot adlawng myerkules sa buntag (April 7) ang ika-upat nga batch sa Sinovac vaccine sa Davao International Airport.

“Out of the 14,400 kelangan na ta mag-allot ana para second dose para sa previously allocated last week. With the remaining 7,200 out of the 14,400, i-divide nato siya ug 2 so 3,600 atong first dose then the 3,600 for the second dose , “sumala pa  ni Dr. Olavides.

Gipasabot ni Dr. Olavides nga sa bag-ong miabot nga bakuna, kinahanglan nga masiguro ang second dose nga ma-alokar na kini sanglit moabot lang sa 28 ka adlaw ang interval gikan sa first ug second doses.

“We need to safekeep already for the second dose so we can complete the vaccination of the healthcare workers,” matud pa ni Olavides.

Nasayran nga ang rehiyon dunay 77,570 eligible healthcare workers alang sa vaccination ug sa maong ihap nabakunahan na ang 40,898 kon  52.7% coverage sa target eligibles.

“And with the vaccines that has arrived already and that has been allocated to the provinces nasa 93% consumption na po tayo ng mga bakuna,”  dugang pahayag ni Dr. Olavides.

Gikabutyag sa maong opisyal nga duna pay nagpadayon karon nga aktibidad sa pagbakuna sa pipila ka lugar sa rehiyon.

Gilauman nga target mabakunahan ang uban pang frontliners  karong semanaha ug gitakda usab ang uban sa mosunog nga semana.