DOLE XI nakatala og 150 establisments nag-tanggal og trabahante karong 2021

DOLE XI nakatala og 150 establisments nag-tanggal og trabahante karong 2021
Si DOLE XI ARD Randolp F. Pensoy kinsa usa sa mga bisita atol sa AFP PNP press corps briefing, myerkules, April 7, 2021. (NF Photo)

DAVAO CITY – Gikumpirma karon sa Department of Labor and Employment (DOLE XI) nga sulod sa unang quarter (January to March) karong tuiga nakatala na og 150 ka establisimento nga nag-tanggal og trabahante, 37 usab ang hingpit ng nanirado ug 12 ka kompanya ang temporaryong nanirado.

Atol sa AFP PNP press corps briefing, adlawng myerkules (April 7), gipadayag ni DOLE XI Assistant Regional Director Atty. Randolp F. Pensoy  nga  mokabat sa 2.505 ka mga trabahante ang apektadu kon nawad-an na usab og trabaho tungod sa pandemya.

Sa maong ihap, 150 ka trabahante ang natanggal gikan sa mga  kompanyang  nagpatuman og retrenchment, 519 ang nawad-an na usab og trabaho human nanirado na sa hingpit ang ilang kompanya ug 250 ang wala na usab ka balik sa trabaho human temporaryong nanirado ang gitrabahoan.

Sumala pa ni Pensoy, nag unang rason sa  mga establisimento mao ang kalisud sa pinansyal sa pagpadayon sa operasyon tungod sa pandemya.

“Mostly from Davao city na mga establishments, yung mga administrative and support services, halimbawa call centers, manpower agencies, repair and computer shops, at accommodation and food services,” pamahayag ni Pensoy labot mga apektadung kompanya.

Samtang sa niaging  tuig  2020, natala usab sa DOLE XI ang mokabat sa  18,417 ka trabahanteng natanggal gikan sa 1,087 ka mga establisimento sa rehiyon onse, diin adunay 119 ka kompanya ang hingpit na usab nga nanirado nga naka-apektu sa 2,122 ka trabahante. Hinuon sagad sa mga trabahanteng nawad-an og trabaho nakakuha’g assistance sa DOLE XI ubos sa COVID-19 Adjustment Measures Program (CAMP) 1 ug CAMP 2.