DepEd Sec Briones positibong mahatag ang dugang benipisyo para sa election 2022

Screengrab atol sa virtual presser via zoom sa DepEd 11 EduAKSYON: Aksyon at Solusyon para sa Edukasyon kauban si Education Sec. Leonor Briones.

Positibo si Department of Education (DepEd) Secretary Leonor Magtolis Briones  nga ma-aprobahan ang sugyot nila ngadto sa Commission on Elections (Comelec) nga dugang  compensation ug benipisyo sa mga moserbisyo sa umaabot nga 2022 National and Local Elections.

Atol sa virtual presser sa DepEd X1 nga EduAKSYON: Aksyon at Solusyon para sa Edukasyon (April 30) gipadayag ni Briones nga sakto lang sa panahon ilabi na karong pandemya ang sugyot nga tas-an ang madawat nga honorarium sa mga magtutudlo nga moserbisyo sa election.

 “Ang latest.. ang comelec has not expressed any violent objection or passionate reaction to our request because we believe it is a reasonable request, mina match lang natin sa inflation rate, tumataas na ngayon ang bilihin, bumaba ang value ng pera so ina adjust lang yun, hindi naman natin masabi na excessive yun, so ang hinihintay na lang ang comelec ay ang pahintulot ng Dept of Budget and Management, “ pasabot ni Sec. Briones.

Base sa proposal sa DepEd, gisugyot niini ang compensation sa Chairperson sa  Electoral Boards  kantidad sa P9,000.00  samtang ang mga miembro sa board  kantidad sa  P8,000.00.

Ang  Department of Education Supervisor Official (DESO) ug Support Staff gisugyot nga makadawat og P7,000.00 ug P5,000.00,subay sa kasamtangang Consumer Price Index ug Inflation Rate  sukad January 2021.

Gawas pa kini sa benipisyo nga ilawom sa Election Service Reform Act (ESRA) ug  IRR, gisugyot usab sa DepEd ang P500.00 matag adlaw nga  COVID-19 Hazard Pay para sa otorisadong  poll workers.

Gisugyot usab ang dugang probisyon sama sa onsite swab testing ug uban pang health services ingkaso nga dunay teacher nga mag-positibo sa  COVID-19 atol sa  election period.  

Kantidad sa P1,000.00 allowance alang sa pagkaon ug tubig, ingon man P2,000.00 para sa  transportation expenses ang giduso usab sa DepEd.

Kahinumduman nga gipadala ni  Sec. Briones ang letter niini ngadto kang kang Comelec Chairman Sheriff M. Abas  penetsahan February 15, 2021 .

Samtang gipadayag usab ni  DepEd Undersecretary for Finance Annalyn M. Sevilla, “ang sagot duon sa final decision will be included in the 2022 national budget , that’s why as early as now ang DepEd po ang nakig-negotiate na sa comelec para ma include ito sa proposal ng Comelec at pag ma approved  siguradong meron na pong increase sa mga allowances for the incoming election dahil na include na sya sa budget.”