5 ka public high school naka-benipisyo sa ‘e.Lab plus project’

5 ka public high school naka-benipisyo sa ‘e.Lab plus project’
Mga basic electrical tool ug personal protective equipment nga nadawat sa lima ka public high schools sa Davao City para sa mga estudyante sa Electrical Installation and Maintenance (EIM) Course ubos sa DepEd’s Technical-Vocational (TechVoc) Program sa senior high schools. (Photo gikan sa DLPC)

DAVAO CITY – Mga electrical tools ug uban pang ekipo ang nadawat sa lima ka public high schools sa Davao City subay sa e.Lab Plus project sa Davao Light and Power Co., Inc. ug sa Aboitiz Foundation, Inc.

Dugang kini sa mga ekipo sulod sa electrical laboratories nga gilunsad pa tuig  2017, diin dakong tabang sa mga estudyanteng nagtuon sa Electrical Installation and Maintenance (EIM) Course ubos sa Technical-Vocational (TechVoc) Program sa senior high schools.

“We are here to deliver a commitment to continue to support DepEd in its Technical-Vocational Program,” sumala ni Rodger Velasco, President  ug  COO sa Davao Light.

Kini bisan pa man nga naa karon sa modular learning sa panimalay ang mga estudyante apan gipatuman ang proyekto agig preparasyon sa face-to-face o kaha blended learning.

Gawas sa basic electrical tools ug  personal protective equipment sama sa hard hats ug leather gloves, nag-install usab ang kompanya og fire alarm  ug CCTV systems, motion sensors, ug telephone intercom.

Ang mga eskwelahan nga naka-benipisyo sa proyekto mao ang  Doña Carmen Denia National High School, Mintal Comprehensive National High School, Tacunan National High School, Talomo National High School ug Teofilo V. Fernandez National High School.