3 ka adlaw nga ‘Virtual 84th Araw ng Dabaw’ andam na

3 ka adlaw nga 'Virtual 84th Araw ng Dabaw' andam na
(Image gikan sa Araw ng Dabaw Facebook Page)

DAVAO CITY – Hitsas na ang tanan alang sa tulo ka adlaw nga digital celebration sa 84th Araw ng Dabaw nga sugdan karong March 1 hangtud 3, 2021.  

Subay sa official Facebook Page sa Araw ng Dabaw 2021 (www.facebook.com/arawngdabawofficial) gipaskil na ang mga mosunod nga aktibidad sulod sa tulo ka adlaw.

Gibutyag ni City Tourism Officer Generose Tecson nga ipang-showcase ang mga garbo sa Davao City sa natad sa musika ug sayaw, visual arts, pagkaon ug fashion.

“The virtual Araw ng Dabaw provides us a message that nothing can stop us to be one, to be united and move forward, together. We just have to look for the means and ways how,”  sulti pa ni Tecson.

Ang mga  online event  nga masaksihan sa FB page gilangkuban sa mga mosunod:

Ang OPENING CEREMONY ipahigayon alas 8:00 sa gabii karong  March 1  diin ang virtual opening pangunahan mismo ni Mayor Sara Duterte.

Adunay pasundayag sa nagkadaiyang local musical and dance artists. Mao kini ang unang higayon nga saulogon sa dakbayan ang  founding anniversary sa March 1 diin maoy ensaktong petsa sa  pag epekto sa Commonwealth Act 51 kon balaod sa pagmugna sa Davao City. 

Masaksihan usab sa  opening ceremony ang  kasaysayan sa Davao City diin usa ka  animated video nga mag-saysay sa  kalamboan nga nakab-ot sa siyudad. 

Sa ikaduhang adlaw, March 2, mga mahiligon sa pagkaon ang ipakita atol sa TILAW DABAW  nga  magsugod alas 10:00 sa buntag.

Mga iladong Dabawenyo ang mosuroy diin ipa-ila ila ang mga  lamiang pagkaon ug asa nga mga restaurant ug establisimento kini matilawan.

Sa samang adlaw usab, pagka alas 5:00 sa hapon, ipasundayag ang HUGYAW DABAW diin  usa ka recorded performances sa mga talented ug  award-winning Dabawenyos nga nagpakitang gilas sa natag sa  musika  ug  naghatag  garbo sa siyudad  human midaog sa  mga iladong national ug international competitions.

Pagka alas 7:00 sa gabii ang online Pahalipay concert nga gi-sponsor sa Globe Telecom.

Atol sa culmination day,  March 3, alas 10:00 sa buntag masaksihan usab onlilne ang  mga nindot nga artistic landscape atol sa OBRA DABAW diin mag-showcase sa mga balay, workshops, galleries sa pipila ka mga local artists  kinsa mapasigarbohong mopakita sa ilang mga masterpiece.

Sa samang adlaw pagka alas 5:00 sa hapon, masaksihan ang  online show sa  ISTILO DABAW diin usa ka  programang mag-highlight sa award-winning fashion designers kinsa inspirasyon nag-gikan sa  mga  local tradition ug cultural heritage sa Davao.

Ug pagka-gabii matapos ang  selebrasyon sa usa ka Pahalipay Concert  nga gi-sponsor sa Smart.